تۆرکجه‌ سئچمه دئیشمه (مشاعره گزینشی)

[Yabançı]

تۆرکجه‌ تایپ اۆچۆن = http://turkcekeyboard.ir/
->سچدیغینیز سؤزجۆک گرک یازدیغینیز شعردن اوْلا.

اۆرگیمده‌ اوْ قدر سئوگی واریمدیر وطنه‌
نئجه‌ کی ، بۆلبۆل شیدا اوْلۇر عاشیق چمنه‌
ایندی فرهادی گرکدیر من اوْلایدیم بۇ گۆلۆن
چۆنکی من عاشیقم هر خسروِْ شیرین سخنه‌
-واحید-

سن دنن «وطن»دن...
​

 

[əlireza]

پاسخ : تۆرکجه‌ سئچمه دئیشمه (مشاعره گزینشی)

سئوگیلیم عشق اولماسا وارلیق بوتون افسانه‌دیر
عشقیدن محروم اولان اینسانلیغا بیگانه‌دیر

من اسیر-ی-عشقیه‌م اؤز خالقیمین اؤز یوردومون
سئومه‌ین اؤز خالقینین اؤز یوردونو دیوانه‌دیر

قوی وطن داییم ایشیقلانسین گؤزل بیر شمعی تک
کؤنلوم او شمعین ضیاسین سئیر ائدن پروانه‌دیر​

سن‌ده دئنن "یورد"دان...

 

[Yabançı]

پاسخ : تۆرکجه‌ سئچمه دئیشمه (مشاعره گزینشی)

یانغین دۆشۆب اۆرییمین کؤشکۆنه‌
درد اوْجاغیم آلوْانیر ، کؤز تۇتۇر
قار یاغیبدیر بلکه‌ وطن عشقینه‌
اوْنا گؤره‌ یوْللارینی بۇز تۇتۇر
**
آیدان-آیا،ایلدن ایله‌ کئچیریک
تقویمدن‌هئی قارا گۆنلر سئچیریک
واخت اؤتدۆکجه‌ یۇرد حصرتی کیچیلیر
اساس یئری وعده‌ تۇتۇر ، سؤز تۇتۇر

-خۇرامان خانیم-
​

سن دنن «حصرت»دن​

 

[میـنا]

پاسخ : تۆرکجه‌ سئچمه دئیشمه (مشاعره گزینشی)

خوْجالی دردی یاندیریر بیزی
وطن ناله‌ ائدیب چاغیریر بیزی
قۇبادلی ، فۇضۇلی گؤزلییر بیزی
زنگزۆر ، گؤیچه‌‌نین حصرتینده‌‌یم

کلبجردن تۆش سۇیا ائننده‌ دایان
عیسی بۇلاغینین یوْخدۇر سۇیۇندان دوْیان
توْپخانا مئشه‌‌سینی ائدیبلر تالان
جیدیر دۆزۆنده‌ آت چاپماغین حصرتیندیم
-ساحیل رحیملی-

سن‌ ده‌ دئنن «حصرت»لی وطندن